31 Dekabr, Dünya Azərbaycanlılarının Həmrəylik Günü təkcə bir bayram deyil. Bu gün ürəklərin birləşdiyi, qəlblərin bir-birinə daha da yaxınlaşdığı gündür.
Bu əlamətdar gün münasibətilə aztəminatlı ailələrlə görüş keçirilmiş, onların qapıları sevinc, ümid və qayğı ilə döyülmüşdür. Hər təqdim olunan sovqat sadəcə bayram payı deyil, diqqətin, həmrəyliyin və unudulmadıqlarının səmimi ifadəsi olmuşdur.
Ailələrin üzündəki təbəssüm, gözlərindəki minnətdarlıq bu günün əsl mənasını bir daha göstərdi: xalq olaraq biz güclüyük, çünki bir-birimizin yanındayıq.
Həmrəylik Günü münasibətilə həyata keçirilən bu görüşlər bir daha sübut etdi ki, paylaşdıqca çoxalırıq, qayğı göstərdikcə daha da birləşirik.
Bütün vətəndaşlarımızı 31 Dekabr – Dünya Azərbaycanlılarının Həmrəylik Günü münasibətilə səmimi qəlbdən təbrik edir, hər evə istilik, hər qəlbə ümid arzulayırıq.
